Nikum chhungah MBOCWWB inziak lut an tam
Mizoram Building & Other Construction Workers Welfare Board (MBOCWWB) hnuaiah nikum chhung khan mi 6,489 an inziaklut. Labour, Employment, Skill Development & Entrepreneurship (LESDE) hotute’n an sawi danin MBOCWWB hnuaia inziaklut zingah hnathawhna-ah boral an awmin cheng nuai thuma ral thin an ni a.
Kum 2019-2023 chhung khan zangnadawmna hi mi pakhatah Rs. 50,000/- pek thin an ni a, a vaiin cheng nuai 4 leh sing 5 pek chhuah a ni. Nikum October ni 7a board thukhawm chuan board hnuaia inziaklutte hamthatna dawn theihte siamtha in zangnadawmna (Disability benefit) pawh Rs. 50,000/- atangin cheng nuai khatah a tipung a.
Ramtuileilote tana hamthatna mai piah lamah hian heng ramtuileilova awmte hi Disability pension (thlatin Rs. 1,000/-) an damchhung pek an ni bawk. Kum 2019-2023 chhung khan kuthnathawk inziaklut zingah ramtuilei lo mi 9 an awm a ni.
