Ni khat awh “Vartalap” Aizawlah hman a ni

I&PR Minister Pu B. Lalchhanzova’n vawiin khan DIPR Auditorium ah Press Information Bureau, Ministry of information and broadcasting buatsaih, One Day Media Conclave ‘Vartalap’ – thupui hrang hrang zirhona hun chu khuallian niin a hmanpui. He workshop-ah hian GST dan thar chungchang leh National Song kumina kum 150 tling Vande Mataram bakah Adi Karmayogi Abhiyaan chungchang zir ho a ni a, khuallian Pu B. Lalchhanzova chuan Vartalap buatsaih chu sawrkar laipuiin hnam inpumkhatna atana a hmalakna kawngah thil pawimawh tak a ni a ti a, National Song Vande Mataram chu India mipuite min phuar khawmtu leh ram dang hriat phaka India mipuite chawisangtu a ni a ti a, Vande Mataram chuan India hmasawnna a thlen tih sawiin ram inpumkhatna atan a pawimawh takzet a ti a, Ram leh Hnam inpumkhatna chu khawvel thang mekah ngaih pawimawh a hlawh zel dawn tih a sawi.

I& PR leh Printing & Stationary Department changtu Minister Pu B. Lalchhanzova chuan GST dan thar chu a tirah huphurhawm viauin lang mahse mitin nunphung ziaawm na tur zawk a ni a ti a, Mizoram ei leh bar dinhmun thlak danglam thei ani tih sawiin hei hian hmasawnna lian zawk a thlen dawn a ti a, Mipui mimir khawsak harsa thlengin a tha zawngin nghawng a nei tih sawiin mipuite hmasawnna a thlen tih a sawi. Pu B. Lalchhanzova chuan mipuiten chhiah chu hremna dan nilovin chhiah pe theia awm chu malsawmna zawk ani a ti a, ram tan hna an thawk ve ani tih lantirna ani tih sawiin Mizoramah pawh chhiah mumal taka lak anih theih nan theihtawp chhuah ani a ti a, sawrkar laipui ring ringawt lova mahni inchawm zo ve thei turin zawi zawia tan an ngai tih a sawi. Minister chuan Mipuiten sawrkar laipui scheme ngaih pawimawh a ngai tih sawiin hamthatna awm thei leh hmasawnna thlen thei hrang hrang ngaihven a pawimawh a ti a, sawrkar laipuiin hnam hnufual chawikan a ngai pawimawh thin chu lawmawm atih thu sawiin tunlai thiamna leh khawvel hmasawnna kawnga intlansiakna kawngah midangte ban phak turin nasa takin a pui a ti a, hmasawnna tam zawk a awm theih nan theihtawp a chhuah dawn tih a sawi.

Khualzahawm Pu HK Lalhawngliana chuan Mizoram chhiah lakkhawm chuan ziaawm lam a pan zel tih sawiin mipuite an harh thar chho mek a ti a, GST dan thar chuan Mizoram eizawnna kawngah hmasawnna a thlen dawn tih sawiin Chhiah lak dan mumal zawh buaipui mek ani a ti bawk. Vawiina hun hmanah hian hriat tur Resource Person Prof Ayangbam Shyamkishor, Prof James LT Thanga leh Planning Department Deputy Adviser Pi Biakthansangi Hrahsel te hnen atangin GST leh Vande Mataram bakah Adi Karmayogi Abhiyan chungchang ngaihthlak a ni a. Vawiin Program-ah hian PIB staff,AIR staff, Doordarshan staff te leh MZU leh ICFAI zirlaite an tel a, heng bakah hian thuthar lakhawmtute leh sawm bik mi pawimawhte an tel bawk.