NH 306&06 KAWNG DUNGA LIRTHEI KHALHTU TANGKHANGTE EITUR PEK AN NI
Nimin chawhnu a Kolasib DC Bungalow a kawngpui dunga Driver tangkhangte eitur sem chungchanga emergency working committee thutkhawmna leh nimin zingkar vek a Kolasib DC Circuit House a FCS&CA Minister, Pu B Lalchhanzova leh Deputy Speaker leh Bialtu MLA nibawk, Pu Lalfamkima ho a buhfai sem tur leh ei leh in tur leina tur pawisa fai ngaihtuah a thutkhawmna neih tak bawhzuiin vawiin chawhnu khan NH 306&06 kawng dunga lirthei tangkhang driver te hnenah ei tur leh tui thianghlim pek an ni.
Meeting ina alo rel tawh angin a mamawhtute hnena sem hna hi Kolasib atanga hmar lamah chuan KDTOA & MTDA leh an phungbawmte kutah dah felin, chhim lam chu Kolasib Sub-Hqrs. YMA kutah a dah a ni. Vawiin khan he sem hna hi thawh tan nghal niin, lirthei khalhtute hi buhfai, dal, tel, purunsen leh tui thianghlim pek anni.
Tun hnaiah hian NH306&06 kawng chhe thawmthat hna thawh mek anih avang hian kawngpui dungah lirthei thahnem tak a tangkhang a. Lirthei tam zawk dinna hmun te hi Rengtetlangsang, Bilkhawtlir, Bualpui , Kawnpui leh Khamrang bulah te an ni.
