National Commission for Women member leh hotu hrang hrangin Zokhawthar tlawh
Nimin khan National Commission for Women Member Pi Delina Khangdup chuan Circuit House Conference Hall-a Mizoram State Commission for Women leh District Programme Office, Women & Child Development te leh National Commission for Women tangkawpa buatsaih, Awareness Programme on Anti Human Trafficking a hmanpui zawhin Zokhawthar a tlawh.
Zokhawthar Police Officer-in-Charge SI Pu Zirthanga chuan lo dawngsawng in India-Myanmar Border a hmunah tlawh in a enfiah a, Assam Rifles Officer Commanding, Major Nishchal Sharma nen an inkawm bawk. Zokawthar hi international border a nih angin human trafficking a thleng thei reng a, hetiang kawnga hnathawh pui turin Police leh Assam Rifles te hi Pi Delina Khongdup chuan a sawm bakah hmeichhiate himna leh chawikanna kawnga hnathawh ho dan tur kawng hrang hrang an sawi ho bawk.
He hunah hian Mizoram State Commission for Women atangin Chairperson Pi C Zodinpuii leh Member Pi Zununpari Sailo bakah Mizoram State Commission for Women a thawktute leh Champhai atang Pu Lalrinmuana, District Programme Officer, leh Pi K Lalrinfimi, District Mission Coordinator, Women & Child Development te’n an tawiawm bawk.
