Mizote pi leh pu te hun atanga hmun hmingthang, Myanmar-a Buannel hmun chu kuminah tlawhtu an la awm mumal lo
Buannel hmun enkawltu, Buannel Management Committee a an Secretary, Pu Lalnuntluanga hnen atanga thu dawn danin
tun hnaiah Hualngo ram chhungah indona a thlen ṭhin avangin Buannel enkawltute chuan hma an la ngam meuh lova, kum tin February leh March thla te hi Buannel tlawhna atana hun tha ber, Chhawkhlei leh Bingbi te an par vul hun, Buannel mawi lai ber mah nise, boruak dinhmun a that loh avangin Mizoram atang pawhin Buannel tlawh hi tum rih lo turin Mizo mipuite an ngen a ni.
Hetihlai hian Zokhawthara Assam Rifles duty ten ramri kana Myanmar lama teihawi an remti lova, Zokhawthar ral lehlama chakkhai mamawh lam turte chauhin Ramri kan hi an phal sak ṭhin a, hemi avang hian Rihdil tlawhtu pawh an tlem phah a, Rihdil tlawhtute chu darkar khat chauh hun an pe thin niin thu dawn a ni bawk.
