Mizorama hemodialysis khawl 21 bun turin inremna ziah a ni
Mizoram sorkar dialysis centre hrang hranga haemodialysis khawl 21 dah na tur atan Indian Oil Corporation Limited, Mizoram National Health Mission leh Fairfax India Charitable Foundation ten inremna an ziak.
He khawl Indian Oil Corporation Limited in vantlang tana an hnathawh, Corporate Social Responsibility hnuai atanga pek tur niin Fairfax India Charitable Foundation in an thawhpui dawn bawk a. Fairfax India Charitable Foundation hian Mizorama heng khawl 21 te dah hna hi an thawk dawn a ni.
Inremna an ziaha a lan danin heng khawl 21 Mizoram sorkar Dialysis Centre hrang hranga dah tur hian Indian Oil Corporation Limited chuan cheng vbc 1 nuai 47 sing 5 sang 4, 719 an seng dawn a ni.
