Mizoram youth commission members meeting neih a ni
Vawiin khan Pu Malsawmzuala Ralte, Mizoram Youth Commission Chairman kaihhruaiin MYC Conference Room-ah Commission Member meeting pawimawh neih a ni.
Meeting-ah hian MYC hnuaia Coaching Centre neih mekte kalpui zel dan tur sawi ho a ni a. Mizo thalaiten nasa lehzuala MYC Coaching Centre an hman tangkai theih nan ruahmanna hrang hrang sawi ho a ni a, MYC-in Mission UPSC a kalpui chhoh mekah, August thla atanga tan tur, UPSC Coaching Class chungchang pawh rel ho niin UPSC Civil Service Prelims exam paltlangte, Mains exam leh interview an inbuatsaih zuina atana MYC-in a lo puihbawm thin chu kalpui chhunzawm zel ni se tih a ni a. Hemi atana inkaihhruaina ruhrel thar pawh duan ni se tih a ni bawk.
Meeting-ah hian Pu Lalmalsawma Pachuau, Secretary P&PI, LESDE etc, Dr. Malsawmdawngliana, Prof. Laldinliana, Pu BC Tawna leh MYC Official-te an tel a ni.
