Mizoram state project monitoring committee-in Thenzawla solar plant panna kawng an endik
Vawiin khan Mizoram State Project Monitoring Committee chuan Thenzawla Solar Plant panna kawng an endik a. Kawng leh side drain chhe tawh siam that ngai leh hmalakna tur hrang hrang chungchang sawihona hun an hmang nghal a ni.MSPMC team-te chuan vawiina hnathawh an endik an hmuhdan te chu MSPMC Chairman, Chief Minister ni bawk Pu Lalduhoma hnenah an thehlut dawn tih an sawi a. Mizorama project hnathawh hrang hrangah Quality control an ngaihthah thin nia sawiin, hetiang lam hi ngaih pawimawh ni thin se an duh thu an sawi.
Inkawmhona hunah hian Vantawng Group YMA leh a hnuaia Vigilance & Monitoring Sub-Committee hruaitute pawhin thu sawiin Solar Plant panna kawng chu tun aia tha zawka siam leh ngei ni se an duhthu an sawi a, P&E Department hotute pawhin kawng thalo chu siamthat a nih theih nan an ngaihven zui zel dawn tih an sawi bawk.
Vawiina Thenzawla Solar Plant panna kawng endiktu te hi Er. H.Laldintluanga, Member, MSPMC; Pi Vanchhungi, Task Force, MSPMC; Pu Vannunmawia, P.S to Vice Chairman, MSPMC-te bakah PWD Quality Control & Research Devlopment Division Technician-te an ni a. Er. Laltlanthanga, Chief Engineer, Distribution, P&E Department bakah thawktu dangte an tel bawk a. Vantawng Group YMA hruaitute, Vigilance & Monitoring Sub-Committee hruaitute bakah chanchinbu mi te an tel a ni.
