Mizoram Larsap-in Panchshil Bombay Sappers Soldierathon 2025 a tlante a vailiam
Mizoram Larsap, General (Dr) Vijay Kumar Singh, PVSM, AVSM, YSM (Retd) chuan tukin khan Panchshil Bombay Sappers Soldierathon, 2025 chu Parade Ground, BEG Centre, Pune-ah khuallian nia hmanpuiin soldierathon-a tel mi 4,500 chuangte chu a vailiam a ni.
He marathon hi ‘Fitistan – Ek Fit Bharat’ buatsaih niin, sipai hliam tuarte enkawlna hmun, Paraplegic Rehabilitation Center, Kirkee, Pune tanpui nana ruahman a ni. Soldierathon hian ram tana martarte leh hliampui tuarte chawimawi a tum a. Ram pumah ram tana nunna hlu tak hlantute ngaihhlutna, abikin thalaite’n an chin deuh deuh theih nana hmalak chu ngaihpawimawh a ni a. Chhum lo chat lova ram venhim hna thawktu, inpumkhatna leh ram inrelbawlna hran nei kan nihna vawnhim kawnga hmalatu sipaite ngaihsanna thinlung mipuiteah tuh a tum a ni.
Bombay Sappers Soldierathon hi marathon mai ni lo, hnam tana martarte zahna bakah India ram chak, hrisel leh inpumkhat zawk siam kawnga hmalakna a ni a. He marathon hi 10 KM, 5 KM leh 3 KM category-ahte then a ni a, mi 4,500 chuang telin, naupang thla 7 atanga kum 82 a upa thlengin an tel a ni.
