Mizoram damdawi in 4 sorkar damdawi in Ṭha zingah tling
India rama sorkar damdawi in ṭha bik thlan zingah District Hospital pahnih – Siaha District Hospital leh Lawngtlai District Hospital leh Primary Health Centre pahnih – East Lungdar PHC leh Phuaibuang PHC te an tel.
National Health Mission, Health & Family Welfare Department aṭanga thu dawn danin, India rama sawrkar damdawi in ṭha bik tehna, National Quality Assurance Standards (NQAS)-ah Siaha District Hospital, East Lungdar PHC leh Phuaibuang PHC te chu an tling a ni. A hmain Aibawk PHC, Thingsulthliah PHC, Civil Hospital Aizawl, Civil Hospital Lunglei, Champhai District Hospital, ITI UPHC, Chawlhhmun UPHC, Haulawng PHC leh Sialhawk PHC te an lo tling tawh bawk.
NQAS-a tling tur hian state level leh national level aṭangin tehna hrang hrang paltlang a ngai a; tehnaah hian Siaha District Hospital-in 92.53% hmiun, Lawngtlai District Hospital hian 88.08% an hmu a, East Lungdar PHC-in 89.29% an hmu a, Phuaibuang PHC-in 84.23% an hmu thung.
