Minister Pu Lalnghinglova Hmar hovin Khawzawlah District Level Task Force on Ruihhlo Do meeting neih a ni
Vawiin khan DC Auditorium, Khawzawlah Excise & Narcotics Minister Pu Lalnghinglova Hmar hova District Level Task Force on Ruihhlo Do meeting neih a ni.
Minister Pu Lalnghinglova Hmar chuan vawiin meeting an nei thei chu tha a tih thu leh an hlawkpui ngei a beisei thu a sawi a. Ruihhlo dona kawnga District Level Task Force hmalakna te tha a tiin a aia nasa leh zuala tan la turin kalkhawm te chu a fuih a. Police leh Excise and Narcotics pawh an hma laktawh na te enin tha a ti hle a. Khawzawl town a ruihhlo ti te chu kan tlem a kan thenfai theih nan tun aia nasa leh zuala hma la turin a chah a ni. School tinah ruihhlo chungchanga awareness chu neih nis e a ti bawk.
Khawzawl Bawrhsap Pu K. Vanlalthiana chuanin NGO ho te chu tun thla jJanuary 2026 tawp lamah ruihhlo do kawnga hma lak dan tur rel ho ni se, meeting koh ni se tih a rawt nghal a. Police te leh excise te leh NGO te ruihhlo do kawngah tun aia tha a an thawh ho a beisei thu a sawiin a fuih bawk a ni.
