Minister Prof. Lalnilawma’n Tamdil, Saitualah sangha note a chhuah
Vawiin chawhma khan Minister of State, Ṭawi bialtu MLA ni bawk Prof. Lalnilawma chuan Ṭamdil Fish Seed Farm aṭanga thar chhuah Sangha (Indian Major Carp) note 10,000 vel chu Ṭamdil, Saitualah a chhuah.
Heng sangha te hi Saitual District Fisheries Development Officer Pi Zomuansangi leh a Staff te’n nikum ni 15th July, 2024 khan IMC Induced Breeding neiin, Sangha note hi 30000-40000 vel thar chhuah a ni a, Nursery ah dah len phawt a ni.
Ṭamdila Sangha dah tur te hi khawi len hmasak a ngaih avangin khawi len phawt niin, chhuah rual an nih tawh hnuah Ṭamdil Dilpui-ah hian chhuah an ni ta a ni.
He hunah hian Minister of State Prof. Lalnilawma bakah Lt. Col. Clement Lalhmingthanga, Champhai South bialtu MLA, Pu Lallawmawma Addl DC, Pi Zomuansangi, DFDO leh line department hotute an tel a ni.
