Minister Prof Lalnilawma’n Mamit khawpui chhunga a Department chan hrang hrang tlawh kual
Vawiin khan Prof.Lalnilawma, Minister of State chuan Mamit khawpui chhunga a department chan hrang hrang PHED, DRDO leh LAD Office te a tlawh a, thawktute’n lo dawngsawngin hna kal mek leh hmachhawp awmte Minister hnenah hian an lo thlen a ni.
PHED Minister hian PHE office complex-ah thingphunin bul a tan a, sik leh sa inthlak danglam zelna khawvelah thingphun uar theuh turin a chah. Mamit main reservoir (tuikhawlna) leh zonal reservoir te chu Sr EE leh Sr SDO te nen tlawhin hnathawh kal mek dan a enfiah a, distribution pipeline enin hmalak zel dan tur an sawiho.
DRDO leh LAD Office te a tlawhnaah thawktute hnenah fuihna thusawiin ram leh khawtlang tana hnathawk an nih in hre reng tur leh anmahni dawrtu mipuite hriat duh leh harsatna an neihte ngaihthlak saka sutkianpui an ngaihna awmah mipuite ngaipawimawh turin a chah bawk a ni. Prof. Lalnilawma, Minister of State hi Pu K. Laltlawmlova, District Bawrhsap leh officials dang te’n an tawiawm a ni.
