Minister Prof.Lalnilawma’n a MLA Fund hmanga Badminton Mat, Saitual Badminton Indoor Stadium-a a phah chu a hmun a kalin a enfiah
Vawiin khan Minister Prof. Lalnilawma chuan MLA Fund nuaih 1 Sing 6 Sang 5 (₹165000) hmanga Badminton Mat, a bial chhung Saitual Badminton Club Indoor Stadium-a a phah chu a hmunah kalin a enfiah.Minister hi Saitual Badminton Club ten lo dawngsawngin Mat thar tha tak a pek avangin a chungah an lawm hle tih an lo hrilh a, Court hmun hma te enpuiin Saitual Badminton Indoor Stadium chu Saitual District Badminton tui miten an hman tangkai thu te, Badminton Club, District Badminton Association, School leh Department ten in elna an huaihawt pawha rinrawl bera an neih thu te, court changtlung lehzual nei tura hmalak tul hrang hrang te, District Badminton Association hruaituten District huap in elna siam an mamawh thu te an lo thlen a ni.
Minister hian Badminton Mat tha tak phah a ni ta chu lawmawm a tih thu leh a khel thin ten tangkai taka an hman a duhsakpui tih a sawi a, Club leh District hruaituten an mamawh a hnena an thlen te chu theih tawp chhuaha tihhlawhtlinpui a tum thu in a chhang a ni.Saitual Badminton Club Indoor Stadium a mat phah hi “Hundred Court Ace Pro” niin Mizoram Badminton Association kaltlanga chah a ni.
Minister hian STBC Indoor kiang awm Govt. PS II ten School tihchangtlunna tur an dawn hmanga inthiarna tha tak an siam a enfiah bakah a bial chhunga a mamawh te hnenah Wheelchair leh Zakdawhtiang hlanna hun a hmang bawk.Minister Prof.Lalnilawna hian hun hmasa lama a tlawh tur hrang hrang a tlawh hnuah Dorawta Halla ZPM Tawi East Block Political Training a hmanpui leh a ni.
