Manipal Hospital EM Bypass, Kolkata chuan Aizawl ah hriselna chungchanga inzirtirna hun buatsaihin CPR tihdan zirtirna hun a buatsaih

Ramchhungah hian natna tlanglawn tak Heart Attack kan tih hi a thleng zing hle a, hengah hian heart attack nei te hian a lanchhuah atanga minute 400 hnu lamah damdawiin an thlenpui hman tlangpui a, amaherawhchu mihringin Heart Attack kan tawrh atanga minute 30 ah hian thlenpui ngei a tha a ni. Hmarchhak bial hmun chheng chhe tak leh inkalpawhna harsatna hmunah awm mah ila tunlai thiamna sang zelah damdawiin kher pan ngai lovin damdawi lam thiam ten minute 18 chhung lekin in chhanchhuah dan an hmu chhuah a, hei hi nun chhanhim nana pawimawh tak niin damdawiin pan theilo leh hmun hlaa awm te tan a tangkai hle a, Cardiopulmonary Resuscitation (CPR) tihdan dik tak hmangin Heart Attack nei te chu hmun leh hmunah chhanchhuah theih an ni. Hemi chungchangah hian Kolkata-a Manipal Hospital EM Bypass chuan an beihpui thlakna ‘Anveshana – Medical Education for Media’ chu buatsaihin CPR zirtirna hun an buatsaih a, heng bakah hian hriselna kawnga midangte zirtirna hun buatsaihin chanchinbumite chu mipui hrihlhriat kawngah an tangkai avangin theihtawpin an zirtir a,  hemi hnuah mipuite hnenah an ti darh leh dawn a ni. Dr. Raja Mazumder, Attending Consultant, Emergency, Manipal Hospital EM Bypass chuan CPR chungchangah zirtirna pe in natna hrang hrang pumpelh dan a sawi a ni.

He hunah hian chanchinbumi 20 atanga 30 vel telin training session hi an chhim a, training session-a tel te hian CPR Training certificate dawngin heng bakah hian Manipal Hospital EM Bypass, Kolkata-a Health Card dawngin hei hi ramchhunga Manipal damdawiin hrang hrangah a hman tangkai theih dawn a, Mizoram nena thlunzawm an duhna leh mipuite chu hriselna tha zawk pek an duhna lian tak hmangin Manipal damdawiin hian theihtawp a chhuah zel a ni. Dr. Raja Mazumder sawi danin Heart attack chu mitinah awm thei anih avangin inven thiam a pawimawh hle a ti a, hemi kawngah hian hun a pawimawh tih sawiin hun tlem te neih chu hman thiam a pawimawh hle a ti a, CPR thiamna chuan nunna a chhanhim thei tih sawiin damdawiin pan remchang lo tan a tangkai hle tih sawiin hemi kawngah hian mipui zirtir a pawimawh thu a sawi bawk.

Manipal damdawiin hian mitin an khawsak phung mil leh an chetdan milin tha takin a enkawl thin a, an huang zauh zelin tun dinhmunah Kolkata hmun 5 ah inzar pharhin mi 4000 chuang CPR training an pe tawh a, heng training an pek te hi ramchhung leh rampawn atang niin an hnathawh that avangin chawimawina hrang hrang pawh an lo dawng tawh a ni.