Manipal Hospital, EM Bypass chuan Aizawl ah Breast Cancer Champion’s Meet an huaihawt a, hei hi anmahni ah chakna leh beiseina siam theih na tura buatsaih a ni

Hmeichhia zingah hian hnute cancer hi cancer hluar ber a la ni reng a, India hmeichhia 20 zinga pakhat chu an hei natna hi vei thei dinhmunah an ding nia chhut a ni. Heng bakah hian kum 2030-ah chuan kum tin mi nuai hnih vel zet chu hri kai thar hmuhchhuah a nih a rinawm thu tarlan a ni a, hei hian hri kai tawhte chu rang taka hriatchhuah, hriatthiamna leh counselling support pek a tulzia a tilang chiang hle. Mizoramah pawh hnute cancer hi a hluar hle a, hmeichhe cancer zingah hnute cancer hi a hmahruaitu zinga mi a ni a, hmarchhak bial dang nena khaikhin chuan vei an tam hle a ni. He hmalakna leh Breast Cancer Awareness Month pualin Manipal Hospital, EM Bypass chuan Aizawl, Mizoram-ah Breast Cancer Champions’ Meet buatsaihin, hnute cancer damchhuakte huaisenna leh chhelna te chawimawina hun an hmang a, He hun hi senior oncologist Dr. Pooja Agarwal, Consultant – Surgical Oncology (Breast Surgery), Manipal Hospital, EM Bypass, leh Dr. Aadil Adnan, Head, Department of Nuclear Medicine, Manipal Hospital, EM Bypass te chuan an kaihruai a, hnute cancer enkawlna kawnga hmasawnna thar ber ber leh enkawl chhunzawm an mamawh dante an sawiho a ni. Kumin WHO thupui, “Every Story is Unique, Every Journey Matters” nena inmil, he programme hian hmeichhe tinte’n hnute cancer an veiin an mimal nun thlenga a nghawng nasat zia leh hriatthiam an tulzia tarlan a ni a, chutih rualin invenna tur leh a hun taka enkawlna chungchangah midang hrilhhriat a tul thu a tarlang bawk.

He hunah hian thu sawiin Dr. Pooja Agarwal chuan, “Kum tam tak chhung chu hmeichhia hnute cancer vei hmuhchhuah an pung zel tih kan hmu tawh a, mahse thu lawmawm tak chu hmuhchhuah hma leh a hun taka enkawl hian damchhuah zat a tidanglam nasa hle a ni. Damchhuakte inhmuhkhawmna ang chi programme hmang hian hmeichhe tinte chu he indonaah hian amah chauh a ni lo tih hriat nawn tir thei tur tanpuitu chak tak siam kan tum a ni, midang hrilhhriat hi kan tum ber a ni. Thu a sawinaah Dr. Adil Adnan chuan, “Nuclear medicine lama thil thar siamte chuan hnute cancer hmuhchhuah leh enkawl dan a tidanglam a, hei hian a dik zawka hriat theihna leh enkawlna ruahmanna felfai zawk a siam a ni. Hetiang thil thleng hian damchhuakte inhmuhkhawmna hian hma a hruai a, damdawi lama kan hmasawnna chauh ni lovin, damlote rilru lama chakna leh natna hneh theihna tura an chhelna pawh a pui bawk. Kan thil tum chu tunlai thiamna hman tangkai chhunzawm zel hi a ni a, lainatna chu kut insuih chungin, hmeichhe tinte chu cancer hneh thei tûra enkawlna leh inrintawkna ṭha ber an dawng thei a ni,” tiin a sawi.

Juliet Lalruatmawii Ralte, kum 28 mi chuan, “Aizawl-a zai ka tawh hmasak ber ṭum khan he tumor hi natna tha lo a ni lo tih min hrilh a, mahse thla engemaw zat hnua ka kut hnuai lama a darh zel tih ka hriat chuan a tai darh mek tih hriain min ti beidawng hle a, Manipal Hospital, EM Bypass-a ka kal chuan ka tan engkim a danglam thei a, Dr. Pooja Agarwal enkawlna hnuaiah nitin hma ka sawn belh a, min enkawltu zawng zawng chungah lawmthu ka sawi tak meuh meuh a ni,” a ti. Lalruatfeli, kum 33 mi chuan, “Ka damlo tih ka inhriatna chu ka hnute atangin na leh thisen chhuak ka nei thin a, test hrang hrang ka tih pawhin harsatna ka hre thei lo a, min enkawltute chuan MRI ti turin min fuih a, chu chu Aizawl-ah a remchan mai loh avangin Manipal Hospital, EM Bypass-ah ka kal a, Dr. Pooja Agarwal-a’n min kaihruai a, a kalphung te min hrilh in theihtawp chhuahin min enkawl a, hahdamna leh beiseina ka nei leh ta a ni. Zonunmawii, kum 31 mi chuan, “Hypothyroidism ka vei tih min hrilh hmasak ber ṭum khan thil tenawm tak niin ka ngai a. Mahse, kum 2024-a ka thyroid surgery hnuah biopsy-ah papillary thyroid cancer ka nei tih a lang a, tichuan Manipal Hospital, EM Bypass-ah ka kal a, ka thyroid surgery zawhah Dr thurawn angin therapy te ka ti a, tha taka min enkawl avangin vawiinah hian ka dam leh thei a, Manipal Hospital, EM Bypass-a doctor leh team zawng zawngte chungah lawmthu ka sawi tak meuh meuh a ni.