Mamit District Level Committee on Fire Prevention thukhawm
Vawiin khan Chief Secretary Pu Khilli Ram Meena chuan Saitual District-a Head of Office te a kawm a, he hun hi Saitual Bawrhsap Pu Srinivas Sadi in a kai hruai. Vawiin thutkhawmah hian Chief Secretary chuan Saituala department hrang hranga officer kalkhawmte chungah lawmthu a sawi a, Saitual District chu a vawi khat tlawhna a nih thu sawiin, hun hlawkthlak tak a hman a beisei thu a sawi bawk. Pu Khilli Ram Meena chuan Saitual District chu ruihhlo kalkawng a nih avangin, sawrkar leh khawtlang mipuite chu ruihhlo do kawngah tanrual a tul tih a sawi a, DC leh SP te chu khawtlang leh kohhran hruaitute nen thawk ho a theih tawp chhuah turin a chah a ni.
Pu Khilli Ram Meena chuan Saitual District chu Manipur leh Myanmar ram nen a inri avangin raltlante pawh biometric registration tih vek tha a tih thu sawi bawk. Chief Secretary chuan Sawrkar laipui scheme tha tak tak a tam tih sawiin, mi tam takin heng scheme te hi hmasawn nana an hman a, an lo tangkaipui theih nan department tin te chuan thawhhona tha an neih a pawimawh thu a sawi bawk a ni. Vawiin thutkhawm hi Pu Srinivas Sadi, DC in a kai hruai a, Saitual chungchang sawi zauna hun hmangin, Pu Gaurav Tyagi, SP chuan Police hnathawhte a sawi zau bawk a ni.
Chief Secretary hian Seling-ah Saansad Adarsh Gram Yojana (SAGY) hnuaia project hrang hrang te a tlawh a, Saitualah hian Head of Office te nen an inkawm hnuah Tamdil a tlawh bawk a ni. Tamdilah hian Pu Srinivas Sadi, DC, Pu Tharun Patnaik, SDO (S), Pu Andrew Lalthlamuana, ACF, Aizawl Forest Division, Pu F. Vanlalfela, DFDO, Saitual leh Pi Lalsangzuali, Tourism dept ten an tawiawm a ni. Tamdil a tlawh zawk hian Pu Khilla Ram Meena chuan NESIDS (OTRI) hnuaia District Hospital Saituala sak mek a tlawh a, he hunah hian Pi Zothanpari Chhakchhuak, Dy. CMO leh Hospital staff ten an lo dawng sawng a ni.
