Mamit-ah SAGY review meeting neih a ni
Vawiin khan DC Conference Hall, Mamit-ah Saansad Adarsh Gram Yojana( SAGY) review meeting chu Pu K Laltlawmlova, District Bawrhsap kaihhruaina hnuaiah neih a ni.
SAGY hi Sawrkarlaipui hnuaia scheme pakhat niin kum 2016 khan hman tan a ni a, Damparengpui, Mamit district chu Phase 8 hnuaia he scheme kalpui tura thlan a ni. SAGY in a tum chu tehna hrang hrang a khua chawikan (holistic development of village) leh khaw mipuite chawikan (improve standard of living) te hi an ni.
Vawiin hunah hian Pu Moses Ramdinthara, BDO/SDO(Civil) West Phaileng leh he scheme Charge Officer ni bawk chuan SAGY Damparengpui a kalpui tawh dan sawizauna hun a hmang a, hma lo lak tawh dan te sawiin thutkhawmnaah hian hmalak zel dan tur sawi ho a ni bawk.
