Mamit-ah “ 1 Day Advocacy programme on Girl’s issue and Concern for Lady Teachers” neih a ni
Vawiin chawhma khan Directorate of SCERT, School Education Deptt. buatsaihin ni khat awh tur training programme “1-DAY ADVOCACY PROGRAMME ON GIRL’S ISSUE AND CONCERN FOR LADY TEACHERS OF GOVT. HIGH SCHOOLS AND PRIVATE SCHOOLS WITHIN MAMIT DISTRICT” hawnna I&PR Auditorium, Mamit-ah neih a ni a,Pu K. Lalnunmawia,HEO, District Education Office in a kaihruai a, Pi Laldampuii, Project Coordinator, SCERT hnen atangin training kalpui dan tur leh nihphung tur tlangpui ngaihthlak a ni.
Dr. Lalduhawmi Thomte, Joint Director, SCERT chuan zirtirtute hnenah fuihna thu sawiin zirlai naupangte venhimna leh enkawlna kawngah zirtirtute pawimawhna hrang hrangte sawiin, naupangte rilru leh taksa venhim chungchanga zirtirtute tanlakna turte a sawi a ni.
Pu PC Vanlalruata,Deputy Director, SCERT chuan lawmthu sawina neiin hun a khar a ni. He training-ah hian Mamit District chhunga high school zirtirtu hmeichhia 35 a tel thei a ni.
