Lungleiah Saksham Anganwadi, Poshan 2.0 leh PMMVY hma lakna thlir hovin District Level Committee an ṭhu khawm
Vawiin khan District Level Committee on Saksham Anganwadi and Poshan 2.0 and Pradhan Mantri Matru Vandana Yojana (PMMVY) chu an Chairman, District Bawrhsap Pi Navneet Mann hovin Lunglei DC Conference Hall-ah an ṭhu khawm.
He ṭhut khawmah hian women & child development (WCD) hnuaia thawktute leh line department-te telin, Lunglei District chhunga Integrated Child Development Services (ICDS) project 3 – Lungsen, Lunglei leh Bunghmun hnuaia anganwadi centre (AWC) Saksham Anganwadi tura cheibawl hna thawh mek chungchang leh harsatna hrang hrangte sawi ho a ni a. Poshan 2.0 hnuaia hma lakna leh PMMVY hnuaia hma lakna te thlir ho a ni bawk.
Bawrhsap Pi Navneet Mann chuan Lunglei District chhunga AWC-te tihhmasawnna kawnga thawktute hma lakna fakawm a tih thu sawiin, hlawhtlinna duhawm zawk a awm theih nan ṭhahnem ngai taka thawk zel turin a chah a. AWC building leh bungruaa thawm ṭhat ngai tam tak la awmte thawm ṭhatna kawnga hma lak a nih theih nan AWC-te dinhmun ṭheuh hre tura questionnaire buatsaih ni se tiin, hmeichhe nau paite tana hamṭhatna scheme PMMVY pawh a dawng tur dik takte’n an dawn vek theih nan scheme-in a thlen chin leh chhawrtute data felfai tak a awm theih nana hma la turin thawktute chu a chah bawk.
