Lungleiah District Election Office huaihawt Wall of Democracy Competition 2025 lawmman sem a ni
Vawiin khan Lunglei District Election Office huaihawta Lunglei District chhunga zirna in hrang hranga Electoral Literacy Club (ELC)-te tana mipui rorelna ram nihphung tar lanna leh inzirtirna bang, “Wall of Democracy” insiamsiak buatsaiha ti ṭhate hnenah lawmman sem a ni.
Lunglei Bawrhsap hna thawh pindana hun buatsaihah District Election Officer Pi Navneet Mann chuan lawmman hi a dawngtute kutah a hlan a. ELC chu mipui rorelna nihphung leh inthlan kaihhnawih hrang hrang zirlaite’n an hriatna tur leh thutlukna dik leh ṭha tak siam thei tur te, mi dang zirtir chhawng thei tur tea kaihruaitu ṭha tak a nih thu a sawi a. Wall of Democracy siamnaa zirlaite’n ngaihtuahna leh tha an seng chu lawmawm a tih thu leh an hlawkpui ngei a beisei thu a sawi.
Lunglei Election Officer Pi Lalhruaitluangi’n Wall of Democracy Competition 2025 buatsaih dan report pein, Lunglei District-ah zirna in 46 (secondary school 35, higher secondary school 7 leh college & institution 4)-ah ELC din a nih thu leh zirna in 17 (SS 12, HSS 2 leh college 3) te intihsiaknaah hian an tel thu a sawi a. Lunglei DIPRO & Media Nodal Officer Pu C. Lalhruaitluanga’n endikna tehfung hrang hrang a sawi fiah bawk.
