Lungleia Health ATM hawn tur atana inbuatsaihna thlir ho a ni
Vawiin khan Lunglei District Bawrhsap Pi Navneet Mann hovin a hna thawh pindanah August ni 18, 2025-a Health Minister Pi Lalrinpuii hova Civil Hospital Lunglei leh Primary Health Centre (PHC) Lungsena ‘Health ATM’ hawn tur atana inbuatsaihna thlir ho a ni.
Lunglei District Bawrhsap hma lakna, Healthy Lunglei District Campaign hnuaiah Corporate Social Responsibility (CSR) kal tlangin Civil Hospital Lunglei leh PHC Lungsena Health ATM dahna tur hi hmuh a ni a. A hawnna hun hi August ni 18, 2025 (Thawhṭanni) chawhma dar 11-ah Civil Hospital Lunglei Seminar Hall-ah buatsaih tum niin, PHC Lungsena mi pawh video conference hmanga hawn nghal a ni dawn a. Health ATM hi mi thiamte’n August ni 15-ah Civil Hospital Lungleiah leh August ni 16-ah PHC Lungsenah hian bun felin, a enkawltu turte tan training an pe nghal bawk ang.
Vawiin ṭhut khawmah hian Health ATM dahna tur hmun hma buatsaih dan te, training leh a hawnna hun buatsaih tur atana inpuahchahna leh thil ṭul hrang hrangte sawi ho a ni.
