LESDE MINISTER PU LALNGHINGLOVA HMAR IN SKILLS ON WHEELS KHUHHAWNNA A NEI
Vawiin khan Pu Lalnghinglova Hmar, Minister of State, Labour, Employment, Skill Development & Entrepreneurship Department chuan “SKILLS ON WHEELS” khuh hawnna, Directorate of LESDE, MINECO ah a nei a. He khuhhawnna hun tawi hi Pu John Tanpuia, Director, LESDE Department in kaihruai in, Pu T. Thangropianga, Jt. Director, LESDE Department in Technical Report a pe bawk a ni. Pu Lalnghinglova hmar chuan hei hi Mizoram tana thil tangkai tak a nih a rin thu a sawi a. Thil thar niin tun hi a bultanna chauh la nimahse a phurawm hle tih a sawi. Minister chuan, “Mizote hian skill chu kan nei mai zel a, mahse eizawnna a hmang tur chuan sawrkar pawmpui te a ngai thin. A bikin thingtlang tan he hmalakna hi a tangkai dawn a. Skill Development kalpui department dang tan a pawh a tangkai ang.” a ti a. “Sawrkar laipuiin Skill Development a tuipui a, LESDE hi department pawimawh a ni chho dawn. Skill development-ah hian \huang hrang hrang awm mah ila department khat hnuaia awm kan ni a, department chak leh pawimawh ni tu chuan thawhhona tha a pawimawh.” a ti bawk a. Thla thar atangin motor hi chhuak tan thei tura beisei a ni.
“Skills on Wheels” hi Ministry of Skill Development and Entrepreneurship (MSDE) Government of India hnuai a project pakhat SANKALP scheme State Incentive Grant (SIG) 2 hnuai a hmuh a ni a. Skills on Wheels vehicle a tan hian Mahindra Bolero Camper 4wd PSD, m2DiCR4 (5 seaters) hman niin, he Bolero Camper hi GeM portal atangin Mahindra and Mahindra Limited, Mumbai atang a lei a ni. ‘Skills On Wheels’ vehicle lei nan leh customize nan te, skill training na hmanrua lei nan hian a pumpui in Rs. 17,05,170.00 (Cheng Nuai sawm pasarih sangnga za leh sawmsarih) hman ral a ni.
“Skills on Wheels” vehicle hi a bik a duan, Skill Development training na bungrua/hmanrua hrang hrang phur thei tur a ruahman a ni a, Mobile Training Centre tur ang a ruahman a ni a, A tum bul pui ber chu Skill Development/Vocational training job role thlan chhuah bik te thingtlang khaw hla tak tak leh kilkhawr zawk, Skill development training hrang hrang dawng pha ve lo te hnen ah skill development training pek hi a ni a. “Skills on Wheels” ah hian a bul tan na a tan Asst. Electrician training leh Mason General training te pek phawt tur a ruahman a ni a, heng bakah hian training job role hrang hrang te pawh a tul dan anga kal pui zel tur a ruahman a ni. “Skills on Wheels” hi Training Equipments engemaw zat phur thei tur a ruahman a ni bawk.
