Lawngtlaia drugs abuse & trafficking of narcotic & psychedelic drugs chungchangah thutkhawmna neih a ni
Vawiin khan DC Conference Hall, Lawngtlaiah Bawrhsap Pu Donny Lalruatsanga kaihhruainain Lawngtlaia Drugs Abuse & Trafficking of Narcotic & Psychedelic Drugs chungchangah thutkhawmna neih a ni. Bawrhsap chuan kalkhawmte hnenah lawmthu sawiin Mizorama District dinhmun enin kan ram hi ruihhlo in nasa takin a run a, chumi avang chuan sawrkarin Operation Jericho- a kalpui a ni, a ti. Lawngtlai District- ah pawh hmalak mek zel a ni a, Check Gate te siamniin, foreign atanga ruihhlo lo lut dan chah hna beihpui thlak mek zel a nih thu a sawi . Tun dinhmun ah Lawngtlai district pawhin ziaawm lam a pan nia a hriat thu a tarlang a.
Damdawi zuartute an fimkhur a ngai tiin, tan ho leh thawhho a, hmalak tlan a ngai a ni a ti bawk. Doctor prescribtion ngai si, Doctor Prescription – tello a pek chhuah a awm thin a, hemi kawngah pawh fimkhur ngai hle tih a sawi. Kan tu leh fa, kan nau, kan thalaite ruihtheih thil avanga an nih tur ang ni phalo leh boral tam tak an awm zel dawn a, chutiang laka kan tu leh fate, kan nau, kan thalai leh kan ram ruihtheih thil a, an lo fihlim theih nan damdawi zuar te thawhho pui a, tan la tlang turin a sawm bawk a ni. Vawiin thurkhawmah hian Damdawi zuar ten tunlaia damdawi ti thinten lei an tum thin tlangpui report pe in ngaihthlak a ni a. District Magistrate- chuan damdawi zuartute zingah pawh thuawih lo leh luhlul deuh, sawrkar thawhpui tha duh lo an awm thin a, Order – chhuah thuai a nih tur thu tarlan a ni bawk.
Thutkhawm ah hian Addl. SP, Addl. DC, Excise Department aiawh, CMO aiawh, Drugs Inspector, Member Lawngtlai District Chemist & Druggist Association aiawh leh CYLA aiawh te an tel a, Bawhsap chuan kalkhawmte lawmthu hrilhin thutkhawm hi a khar a ni.
