Lawngtlaia chhiatna hrang hrang thlengah chhanchuah hna leh chhawmdawl hna tha taka thawh a ni
Ruahsur nasa vanga Lawngtlai District chhunga chhiatna thleng hrang hrang ah chhanchhuah leh chhawmdawl hna chu Lawngtlai DC ruahmanna hnuai ah thawh a ni a, Ruah leh thli thawhduh hunlai a ni a, mipuite fimkhur zual turin District Disaster Management Authority, Lawngtlai District chuan a chah. Lawngtlai District chhunga khuarel chhiatna thlengah chhanchhuah leh chhawmdawl hna thawktute chungah Lawngtlai DC chuan lawmthu a sawi.
Kar hmasa Zirtawpni zan ah Lawngtlai Bazar Veng leh Chandmary In rellai pahnih telin In pasarih chim a bungrua tamzawk chu lakchhuah a ni tawh a, vawiin lam ah pawh bungrua senghawi hna hi Veng pahnih ten an thawh chhunzawm a, a nawlpuia hnatlanga thawhngai a nih tawhloh vangin Branch YLA dang te inhnatlan chhawk chu vawiin atangin chawlhlailawk a ni. Inchimin Lawngtlai paltlangtu National Highway-02 a hnawhpin pawh a theih ang angin sialtlang hna thawh a ni a, Inchim kara bungrua senghawi bakah, a chhaklam atangin leimin belh maithei hlauhthawnawm a awm bawk vangten kawng siatlang hna pawh hi thawhchak hleihtheih a nilova, kawngpui tlang huntur hi sawilawk theih a la nilo.
Lawngtlai SP chuan National Highway -02 a pin vangin lirthei tlandan a siam tawh tidanglam hretin, Bazar Veng leh Chandmary inkalpawhna Lane hnuai chuan Motor te chi tan kaltheih a ni. Lawngtlai Bazar leh Chandmary atanga Electric Veng panna kawng chu sialtlang maitheih a la nilova, DC Office leh Lawngtlai-III Veng thenkhat leh Electric Veng a kalduh leh Office dawr turte chu MIZOFED Filling Station lam atangin kaltheih a ni.
