Ladc inthlanpui lo awm turah deo kaihhruaiin nodal officers ten thutkhawm nei
Lai Autonomous District Council (LADC) hnuaia 12th Member of District Council (MDC) inthlanpui 2025 – lo awm tur atan a inbuatsaihna kal zelah vawiin khan Pu Donny Lalruatsanga, District Election Officer ( DEO) kaihhruaiin a Office Chamber-ah ‘Nodal Officers’ ten thutkhawm an nei.Pu Donny Lalruatsanga chuan nodal officer – te chunga lawmthu sawina a nei hmasa a. Inthlanpui turah Nodal Officer – te mahni hna chanpual hneh tak a thawk turin a chah a. A bik takin tih hmasak turte a hun taka tih a pawimawh dawn hle a, SEC inkaihhruiana ang thlapa thawh a pawimawh dawn hle a ti. Inthlanna felfai leh thinghlim tak awm turin theihtawp chhuah a tul a, sawiselna awm lo tura thawk turin Nodal Officer – te a chah nghal bawk.
Pu Collin Hlychho, Election Officer (EO) chuan Nodal Officer- te hna chanpual, hmalak leh hnathawh dan tlangpui sawifiahna a nei a. Mahni hna chanpual tha taka thawk leh a hun tak a engkim peihfel turin a chah nghal a ni. Thutkhawm chuan ‘Nodal Officer’ pali ruatbelh nise tiin an rel a. Sr EE (PWD), Sr. EE (PHE), EE (P&E) leh Polling Station – ah DEO, te ruatbelh an ni a. 12th Member of District Council (MDC) inthlanpui 2025, lo awm turah hian Nodal Officer – 18 awmin, mawhphurhna hrang hrang an nei a ni.
Vawiin thutkhawmah hian Nodal Officer- te an tel kim tha hle a, Pu Donny Lalruatsanga chuan lawmthu sawina neiin hun a khar.
