Khawzawlah Sardar@150 pualin kawngzawh
Tukin khan Khawzawlah Sardar Vallabhbhai Patel piancham kum 150-na, Sardar@150 pualin Zuchhip Field No.1 atanga Mualvawm thleng sikul naupangin kawng an zawh.
Zuchhip Field-ah hian hun hman niin DEO Pu Lalrawngbawla’n a kaihruai a, MyBharat atangin Pi Lalruotmawii’n Sardar Vallabhbhai Patel chungchang, India ram tana a pawimawhzia leh a zirtirna hrang hrang te a sawi. Khawzawl Darngawn YMA branch chuan Mizo lam an nei a, kawngzawh hi 2nd IR Commandant Pu KL Vulmawia’n a vailiam.
Kawngzawh hi Taidawnkawnah chawlh lak niin PHE EE Er. Liantluanga Chohte chuan hun a kaihruai a, faina pawimawh zia leh hriselna a puih zia te a sawi a, kawngzawh pah hian zirlai naupang leh kawng zawh te chuan bawlhhlawh chharin kawng an tifai nghal a ni.Mualvawm Field-ah kawngzawh hi a tawp a, SDO (Sadar) Pu Suvigya S. Chandra chuan hun kaihruaiin DIPRO Pu Lalzara’n lawmthu sawiin hun a khar a ni. Khawzawl Darngawn YMA branch chuan Mizo lam an nei leh bawk a ni.
