Khawzawlah NCORD Nodal teacher training neih a ni
Vawiin chawhma dar 11-ah khan Khawzawl DC Auditorium-ah Orientation Training of Nodal Teachers on Substance Abuse Drugs Awareness neih a ni a, District Education Officer Pu Lalrawngbawla’n hun a kaihruai.
Khawzawl Bawrhsap Pu K. Vanlalthiana chuan thu sawiin ruihlo leh a kaihhnawih hian kan ram leh kan hnam a tichhiain a beih nasat thu a sawi a, a dona kawngah nasa taka tan la turin lo kal khawm te chu a sawm a, he training-a an zir chhuah te chu midang te tanpui nan an hman a beisei thu leh an hlawkpui ngei a beisei thu a sawi a ni.
Khawzawl Addl. SP Pu Zosangliana, Sr. Medical Officer Dr. Albert Lalhminghlua leh YMA Sub-Hqrs President Pu PC. Rosiama te’n Khawzawl District School zawng zawng atanga lo kal khawm Nodal Teacher te chu training an neih pui a. He training ah hian ruihhlo chi hrang hrang leh a hman sualin a thlen theih te an sawi a, ruihhlo thatlohna leh ruihhlo tih vanga nunah danglamna a thlen theih te an zir ho a, ruihhloin a rilru a thlak danglam dan (Psychoactive Substance) te an en ho bawk. Drugs addict kan tih te chu Drugs dependence tiin an thlak thu leh Drugs dependence chu natna a ni a enkawl dante an zir ho bawk a, lo kal khawm te chu Drugs dona kawngah an theihtawp an chhuah theih an beisei thu leh Supply reduction, Demand Reduction leh Harm reduction-ah te tha taka an thawh ho an beisei in an sawm a ni.
