Khawzawl District Level Committee on PM Surya Ghar: Muft Bijli Yojana (Rooftop Solar) Scheme an ṭhukhawm
Vawiin khan PM Surya Ghar: Muft Bijli Yojana (Rooftop Solar) Scheme atana District Level Committee for Khawzawl District chu Chairman leh Khawzawl DC ni bawk Pu K. Vanlalthiana hovin DC Conference Hall-ah meeting an nei a, scheme kalphung inhrilhfiahna leh scheme-in a ken tel hrang hrang sawihona leh hmalak zel dan turte rel a ni.
He hunah hian Pu NG Lalruatsanga, E.E, P&E Department chuan Scheme sawifiahna hun a hmang a, Khawzawl District-ah Chhawrtui khua chu Solar Model Village a thlan a ni.
