Khawzawl DAPCC te IEC Campaign Launching Programme hman dan tur chungchang sawihovin thukhawm
Nimin khan DC Chamber Khawzawlah, District AIDS Prevention & Control Committee (DAPCC) te chu Launching & Implementation of Intensified IEC Campaign 2025 chungchang sawihovin an thukhawm a, Khawzawl Bawrhsap Pu K. Vanlalthiana’n a kaihruai.
Launching Programme hi Khawzawl Zaingen Hall ah September ni 10, 2025 Chawhma dar 11 a neih tur a rel a ni a. Khuallian atan Bawrhsap, Pu K. Vanlalthiana ruat niin, Chairman atan Dr. Albert Lalhminghlua DAPCC,member Secretary/Senior Medical Officer ruat a ni. He hunah hian AIDS hlauhawmzia leh inven dan inzirtirna neih tur niin, Khawzawl Higher Secondary School zirlai naupang te tel tura beisei an ni. Bawrhsap, Pu K. Vanlalthiana chuan AIDS Awareness hi uar zawk a neih a tulzia sawiin, a bikin zirlaite hrilhhriat nasat a tulzia a sawi.
He hunah hian Pu Suvigya S. Chandra, SDO(Sadar), IAS, Pu F. Lalbiakzauva, SP bakah DAPCC member te kim takin an tel a ni.
