Keitumah Aadi Karmayog Village-Level Training cum workshop neih a ni
Vawiin khan Aadi Karmayog Village-Level Training cum workshop chu pilot Village Keitum khuaah neih a ni a, BMT Serchhip RD Block ten training an pe a ni. Ministry of Tribal Affairs chuan a bulthuma sawrkarna tih chakna turin Aadi Karmayogi Abhiyaan hnuaiah chak takin hma a la mek a. He campaign-in a tum ber chu Tribal Area bikah chak taka sawkar inrelbawlna kalpui a nih theih nan mipui nuai 20 chuang hruaitu tha ni thei tura chherchhuah a ni.
Vanlalruata Tochhawng BMT chuan Training buatsaih a nih chhan leh a kalphung turte a sawi a. R. Lalhmunmawia BMT chuan PRA activities tihpuiin zawhna leh chhanna hun hman a ni. Joseph Lalmuanpuia BMT chuan Priority List activities sawifiahin a thiltum leh kalhmang a sawifiah bawk a ni.
He hun hi Samuel Lallawmzuala BMT chuan a kaihruai a, Village Nodal Person te, NGO hrang hrang te leh mipuite an tel a. Village Action plan siam dan tur te in kaihhruaina neih a ni bawk. Lalawmpuia BMT in lawmthu sawiin hun a khar a ni.
