Joint secretary, nec, ministry of doner pu angshuman dey chuan champhai tlawh
Pu Angshuman Dey, Joint Secretary, North Eastern Council (NEC), Ministry of DoNER chuan vawiin chawhnu khan Circuit House Conference Hall Champhai-ah DAMC member te leh Kuthnathawktute a kawm. Joint Secretary hoa inkawmhona hun hi Pi Ramdinliani, Special Secretary to Govt. of Mizoram, Horticulture & Agriculture Department chuan a kaihruai a. Pu Mohammad Aaquib, Champhai Bawrhsap leh DAMC member te’n an telpui a ni. Joint Secretary Pu Angshuman Dey chuan Champhai tlawh theia a awm chu lawmawm a tih thu sawiin, DAMC te hmalakna engemawchen a lo hriat tawh thu a sawi a. Champhai District DAMC leh loneituten an hmalakna te tha taka an kalpui chu ropui a tih thu a sawi.
Champhai District DAMC leh loneituten harsatna an tawh thin te chu pawi a tih thu sawiin, Central Sawrkarin India hmarchhak lam hawi mai lo a, a hmunah hnathawh a hmalakpui a tum mek a, Mizoramin sawhthing a thar chhuah hi a tha hle a, Mizoram hmel ti langtu pakhat a ni a, India ram mai ni lo khawlvel huap pawha inphochhuahna tur hmanraw tha tak a nih avangin tun aia nasaa huang zauh leh changtlung zawka hmalak a tul a ni a ti. Joint Secretary chuan kuthathawtute chuan an hmalak zelna turah ruahmanna mumal tak siama Sorkar atanga subsidy tello pawha an hlawtlinpui theih tura ngaituahna senga, rinawmna leh tumruhna nena hnathawk turin a chah a, an hmalak leh zelna turah duhsakna a hlan a, Mizoram mai nilo India rama loneitute tana entawntlak leh tihhmuhtu nih tum turin a chah a ni.
He inkawmna hun zawh hian IIDC Zote, DCSO Secondary Collection Centre, New Champhai, Tlangsam Grape Winery Passion Fruit Processing Unit, Cold Storage Complex New Champhai te a hmunah kalin a enfiah bawk ani.
