Hun rei tak chhung kal lama harsatna a tawh hnuah Mizoram Nu pakhat chuan Manipal Hospital EM Bypass a enkawl anih hnuah damna a chang

Enkawlna tha leh damdawi thiltihtheihna bakah hmangaihna lan chianna a lang zel a, Mizoram khawpui Aizawl atanga lokal kum 37 mi Lallianpuii hnenah thilmak tak thlengin beiseina thi tawh a rawn nung thar a, hun rei tak chhung buaina a tawh hnuah nau vawi 2 a pai thei a, a hmasa zawk chu kum 2023 khan a pai a, kum 2025 khan a pahnihna a pai leh a, kum hnih hnua hlawhtling taka kal thlak anih hnuah a nau pai leh a ni. A naupai hlauhawm tak pahnih hi uluk taka enkawl a ni a, Dr. Rohit Rungta, Senior Consultant, Nephrology, Manipal Hospital EM Bypass leh Dr. Shilpita Banerjee, Consultant, Obstetrics & Gynecology at Manipal Hospital EM Bypass te enkalwna hnuaiah a nei a, hei hian tunlai thiamna hrang hrang hmang tangkaiin damlo an enkawl thei tih a fiah a ni. Lallianpuii hi kum sawm chuang kalta khan kal lamah harsatna lian tak tawkin kal natna a vei tih hmuhchhuah a ni a, kum 2012 khan a kal thlak hmasa ber a ni a, harsatna dang a neih hnuah kum 2020 khan a vawi hnihna atan thlak a ngai a, dam chhung zawnga therapy nen enkawlna bik tak hmanga taksa leh rilru lama harsatna hrang hrang a neih te enkawl a ngaih tawh hnuah a chunga danglamna lian tak thlenin heng a harsatna tawh zawng zawng te hmachhuan hian damna tha tak a chang tawh a ni.

Kum 2023-a a naupai hmasak ber ṭum khan Lallianpuii hian uluk taka enfiah a nih hnuah naute hmeichhia hrisel tak a hring a, hei hian a enkawl tute phurna nasa tak a pe a ni. Kum hnih chauh a liam hnuah, kum 2025 khan vawi khat chu tha takin a nau pai leh a, kar 36+6-ah enkawlna bik hmangin naute hrisel tak, kg 3.2 zeta rit a nei leh a ni. Naupai pahnihte hi harsatna lian tham a awm lo a, a kal chhung zawng hian a kal (kidney function) chu a tha reng a ni. Hemi chungchang sawina ah hian Dr. Rohit Rungta chuan, “Kal thlakna dawngtu naupai hi a tlem a, a buaithlak hle a, damlote chu dam chhung zawnga enkawl an ngaih thin vang ani a, Lallianpuii erawh mak tak mai chu vawi hnih kal thlak a nih hnuah vawi khat ni lovin vawi hnih nau a pai thei a ni. Naupai pahnihte hi uluk takin kidney function leh nausen pangai taka enkawl turin an enkawl a ni hmasawnna, tumruhna, damdawi lam thiamte thawhrimna leh beiseina nghet tak vang a ni.”

Naupai pahnih enkawltu Dr. Shilpita Banerjee chuan, “Renal transplant dawngtu naupai a zawna enkawl hi a tlem hle a, uluk taka inremna siam a ngai a ni. A damdawi ei turte chu uluk taka en a ngai a, naute chu kan venghim a, naute than dan pawh ngun takin kan enfiah a ngai a ni. A huaisenna leh damdawi lam kalphung a rinna chuan heng thil chhuakte hi a ti thei a ni,” tiin a sawi. A lawm zia sawiin Lallianpuii chuan, “Kal lama ka harsatna hrang hrang ka do hnu leh enkawlna vawi hnih ka paltlang hnuah nu ka ni leh dawn tih leh nau ka hring thei ang tih hi ka ngaihtuah pha ngailo, Amaherawchu  Dr. Rungta leh Dr. Banerjee ten ka chunga an beidawn lohna leh an theihtawp chhuahna zarah naute pahnih ka nei thei a, min enkawl mai bakah beiseina thar min neih tir leh a ni. A zinkawng hi natna khirh tak nei hmeichhiate tan beiseina eng angin a ding a, damdawi lama thiamna, chhelna leh rinna nen chuan theih loh tura rin pawh vawi khat chauh ni lovin vawi hnih a thleng thei tih a finfiah a ni.