H&te minister-in ganc freshers’ social cum 25th annual magazine release function a hmanpui
Aizawl North College Freshers’ Social cum 25th Annual Magazine Review chu Vanapa Hall-ah khuallian niin a hmanpui a, Annual Magazine ‘Parfung’ a tlangzarh bawk.
Khuallian Dr. Vanlalthlana chuan zirlaite chu mi hmuh loha an beih fan fan chuan hmuh theihah chawimawina an hmu ang a, midangte tana malsawmna an lo ni thei dawn tih a sawi a. Vawi tam tak an hlawhchham hnua khawvel hriata mi hlawhtling tate chanchin sawiin, hlawhchhamna an tawh chang pawha beidawng lo turin a fuih a. Minister chuan puitlinna kawng thar zawh tura inbuatsaih te, theih china kohhran leh khawtlanga inhman leh zirtirturte nena inkar tha neih a pawimawh thu sawiin, zirlaite chu an kal zelna tur atan duhsakna a hlan a ni.
GANC Principal Dr. Saroj Laldinpuii pawhin zirlai tharte chu lawmin, college an kal chhan ngaihtuah chianga puitlinna kawng leh nun dan tha zirna atana hmang turin a chah a. Pu Lalmalsawma Sailo, Ramhlun North Local Council Chairman pawhin zirlaite fuihna thu a sawi bawk a ni. GANC Freshers’ Social hi GANC Students’ Union-te buatsaih niin, Pu Lalthanzuala, Asst. General Secy. chuan kalkhawmte lawmna thu a sawi a. GANC Mizoram College Teachers Association (MCTA)-te chuan zirlai tithate chawimawina hun an nei a. General Secy. Pu Lalruatpuia atangin report ngaihthlak a ni a, Vice President Pu R. Lalzarmawia’n lawmthu sawiin hun a khar a ni.
