Hnahthial District Level Committee on Fixation of Prices of Meat, Vegetables and Fruits an thu khawm, sa leh thil dang man an bithliah thar
Vawiin khan DC Meeting Hall Hnahthial-ah Additional DC Pu Zothanmawia Khiangte kaihhruaiin ‘District Level Committee on Fixation of Prices of Meat, Vegetables and Fruits’ an thu khawm a, he hunah hian Hnahthial District chhunga hman tur sa chi hrang hrang, sangha, thlai leh thil dang man tur an bithliah a ni.
Meeting kaihruaitu Addl. DC Pu Zothanmawia Khiangte chuan meeting koh a nih chhan sawiin Mizoram Market Regulation (Regulation & Facilitation) Act, 2022 hnuaiah District Level Committee din a ni a, kan District chhunga sa, thlai leh thei man te kan bithliah dawn a ni tiin, a hmalama Hnahthial District-a kalpui dan District Commerce and Industries Officer Pu HB. Lalremmawia sawifiah tura a tih angin a sawifiah bawk a ni.
Meeting chuan Vawksa kg-ah cheng zali sawmnga (Rs. 450) Bawngsa A ti/A Ir kg-ah cheng zanga sawmnga (Rs. 550); A thin cheng zaruk (Rs. 600) a kawchhung cheng za nga (Rs. 500) a ruh cheng zali (Rs. 400) Ar sa kg-ah cheng zathum sawmng (Rs. 350) A lu/ke cheng za hnih (Rs. 200) Sangha Rohu, Pangas leh Mrigal kg-ah cheng zathum sawmnga (Rs. 350); Promfet cheng za thum (Rs. 300); Grass Carp, Catla, Notopterus; Common Carp leh Nghatun kg-ah cheng zali (Rs. 400); Dil Sangha kg-ah cheng za nga (Rs. 500) bakah Lui Sangha kg-ah cheng za riat (Rs. 800) ai to lova hralh tur a ni thu te, Kaikuang Fresh water prawn kg-ah cheng zariat (Rs. 800) leh Indian White Prawn kg-ah cheng za ruk (Rs. 600) ni turin an bik tuk a, hengte hi The Mizoram Market (Regulation and Facilitation) Act 2022-in a phut angin, Hnahthial District chhungah hman nghal tura ruahman a ni.
