GST TAM ZAWK HMUH THEIHNA TUR NGAIHTUAH A NI
Vawiin khan Mizoram Resource Mobilization Committee (MRMC) hnuaia Sub-Committee on Tax and Non-Tax chu an Chairman Pu Haukhuma Hauzel, IAS (Rtd) hovin an thukhawm a, Sawrkar in GST atanga chhiah lakluh a pun theihna tura hmalakna pakhat, Aizawl City Local Council Association (ACLCA) leh Taxation Department thawhdun theihna tur ngaihtuah a ni.Aizawl khawpui hi Mizoram-a khaw thangchak ber a nih avangin sumdawnna hi a pung chak em em a, heng sumdawngte hian GST an pek tur dik tak an pek chuan Mizoram ‘revenue’ hi nasa taka a pun theih beisei a ni a, chutiang a nih chuan Zoram mipui tan tangkaina nasa tak a thlen thei dawn a ni. GST danah hian sumdawngin kum khata a hralh chhuah Rs 20 lakhs a tlin chuan GST registration a nei ngei tur a ni a, chuvangin dawrkai/sumdawng thla khata Rs 1.75 lakhs hmu tling chin chu in register ngei tur tihna a ni. Danin a phut chu hetiang a nih lain, Aizawl leh Mizoram sumdawng, kum khata Rs 20 lakhs thawk chhuak mahse in register si lo tam tak an awm ang tih hi officer te mai bakah, mipui mimir rindan niin a lang. Local Council a thawktute chu an ‘area’ hrechiang berte an nih avangin, dan zawm lova sumdawngte Sorkar hriattir tura thawkho tura an thahnem ngaihna hi a ngaihsan awm hle a ni.
He meeting ah hian Mizoram Resource Mobilisation Committee in recommendation a lo siam tawh Sorkarin a tihhlawhtlinte thlir ho a ni. Mizorama land revenue a tam theih lohna chhan he Committee in a thlir dan chuan ram, huan leh inhmun tam tak hi V.C. pass anga siam a ni a, hei hi Revenue dan lamin a pawmpui chiah loh avangin ‘land revenue’ khawn theih a nih loh avangin State sum hnar pawimawh tak chu hman tangkai theih a ni lo a ni. Committee chuan heng V.C. pass te hi LSC a leh a tulzia meeting 18th April, 2024 leh 21st August, 2024 neihah te an lo rel tawh a ni. Hetiang hawi zawnga hma lain, Revenue Deptt. chuan Aizawl District chhung khaw 27-ah Property Card 3809 an pe chhuak tawh a, kum khat dang a lo zawh chuan khaw 319 ah Property Card pe chhuak leh turin hma an la mek a ni. Hetiang zel a kal a, Mizoram pum Property Card-in a tuam hunah chuan land revenue atanga Sorkara sum lut pawh tihtham tak a ni ve dawn a ni, Property Card hi LSC tlukpui tho a nih avangin.
Land revenue khawn tihpunna tura Mizoram Resource Mobilisation Committee in a ngaih pawimawh dang leh chu ‘chhiah’ khawntu indaih lohna hi a ni. Revenue hnuaia thawktu tamzawk hi Directorate ah an awm a, field level ah ‘direct’ a mipui nena inngheng an awm lo. Hei vang hian Committee chuan D.C. te, SDO leh BDO te revenue administration a tun aia thuneihna leh mawhphurhna pek a tul zia alo tarlang tawh a, hetiang hi India ram State lian zawka an lo kalpui dan pawh a ni. Revenue Department chuan District Revenue office zawng zawng chu Dy. Commissioner/Collector hnuaia awm turin ruahmanna an siam tawh a ni. Hei bakah hian Vairengte leh Thenzawl SDO te pawh Sub-Divisional Revenue officer hna thawk turin ruahman a ni bawk. He remruatna hian ‘online’ a revenue pek theih bakah, mipuiten an mahni hmun ngeiah Sorkara an p
