DoNER Secretary in Thenzawl a tlawh
Mizorama lo zin, Pu Chanchal Kumar, Secretary to the Government of India, Ministry of DoNER chuan vawiin khan Thenzawl tlawh in Thenzawla Helipad and Heliport siamna tur te, Thenzawl Peace City Greenfield Development siamna tur te leh Thenzawl Venghluna Handloom Cluster te a tlawh.
DoNER Secretary hian Thenzawl Venghluna Handloom Cluster a tlawh hnuin Thenzawl Golf Course & Resort ah hun a hmang leh a, he hunah hian Thenzawl Peace City hnuaia hmalakna pakhat Greenfield Development siamna tura hmalakna, Power Presentation hmangin Nelvin Raphael, Senior Architect & Urban Expert, IPE GLOBAL chuan a entir bakah a sawifiah bawk. Golf Course a hun a hman zawh hian Thenzawl Vengthara Helipad & Heliport siamna tur chu a hmunah a enfiah zui bawk a. Greenfield Development siamna hmun tur hi a tlawh nghal bawk a ni.
Pu Chanchal Kumar hi Pu Lalmalsawma Pachuau, Secretary, Planning & Programme Implementation, Serchhip DC Pu Paul L Khuma, Additional DC Pu Lalrinzuala leh mi pawimawh dang ten an tawiawm a, zanin hian Thenzawl ah riakin naktuk hian Sairanga Ginger Processing Unit bakah Vairengte-Sairang road 4-lane laih mek te a tlawh bawk ang.
