DoNER Minister ho in vawiin khan sawrkar mi pawimawh te Chief Minister hovin an ṭhukhawm
Vawiin khan Chief Minister Pu Lalduhoma leh DoNER Minister Pu Jyotiraditya M Scindia te kaihhruaiin Planning & Programme Implementation Conference Hall-ah Ministry of Development of North Eastern Region (DoNER) kaltlanga Mizorama hnathawh hrang hrangte thlirho a ni. Chief Minister chuan DoNER kaltlanga project kalpui meka harsatna awm leh rawtna a neih te, Mizoramin project thar a mamawhna lai te a tarlang a ni.
DoNER Minister chuan Chief Minister Pu Lalduhoma leh a pa te lo inthian thatna avangin Mizoram a ngainat thu sawiin an inlaichinna thinlung chu thawhhona tha zawk awmtirtuah hman a duh thu a sawi a. Project endik ringawt turin a lo kal lo tih sawiin DoNER Minister chuan Mizoram an zirchianna leh hmasawn zel tura Mizoramin a mamawh rawtna tha tak tak rawn keng a nih thu a sawi a. Mizoram chu khawchhak lama India chhuahka, hmun pawimawh taka awm a ni tih sawiin ti hmasawn zel turin an inpeih tih a sawi a. An thutkhawm zarah hmasawnna nghet leh khuarei daih Mizoramin a hmuh a, hmalam a pan zel theihna tur sawihona leh ruahmanna te neih an duh tih a sawi a. Project kal meka harsatna awm te chu a theih ang anga a lo bawhzui zel tur thu a sawi a ni.
DoNER Sr. Economic Adviser Dr. Md Nazmuddin chuan DoNER Ministry in hmasawnna huang thenkhata Mizoram dinhmun tlangpui leh hmalak zelna tur rawtna a neihte a tarlang a. Chung an rawtna te behchhan chuan sawihona hun an hmang bawk a ni.
