Csr cell, undp leh cyber swift ten csr matchmaking platform thlirho
Vawiin khan Mizoram CSR Cell te chuan an Chairman Pu TBC Lalvenchhunga hovin a office-ah CSR Matchmaking Platforms, UNDP leh Cyber Swift te nena tangkawpa duan mek chu an thlirho. He platforms duangtu Cyber Swift te hian an platforms duan chhuah sawifiahna an nei hmasa a. Sawihona neih zui niin, hman tak tak hmaa han khawih chhin leh phawt tha an ti.
CSR Cell hian Mizoramah CSR Implementing Agency tam zawk an awm theih nan kawng hrang hrangin hma a la chho zel a. Kar hmasa mai pawh khan Confederation of India Industries te nena tangkawpin ni thum awm capacity building programme an huaihawt a ni.
Vawiina an thlirho CSR Matchmaking Platform hi Implementing Agency leh CSR Funding Company te inzawn tawnna tur leh Mizorama CSR hmalakna kimchang an hriat tlan zung zung theihna tur a ni.
