CSC Diwas 2025 hman a ni
Vawiin khan India ram puma Common Service Centre (CSC) din champhaphak ‘CSC Diwas’ chu Mizoramah pawh I&PR Conference Hall, Lianchhiari Run, Aizawlah hman a ni a. He hun hi Information&Communication Technology Department Secretary Pu Amid Sharma chuan khuallian niin a hmanpui a, Village-level, Entrepreneurs thawh hlawk zual thlan chhuahte hnenah lawmman a hlan nghal bawk a ni.
He hunah hian khualllian Pu Amid Sharma chuan kalkhawmte hmaah thusawiin,CSC hnathawh leh a hlutnate bakah E-Office pawimawhnate a sawi a. CSC hnathawh chu mipuite rawngbawlna pawimawh tak a nih anga thahnemngai leh zuala tan la zel turin CSC-a thawktute chu a fuih a. A bik, takin Village-level Entrepreneurs (VLE)-te chu mipuite nen inngheng tlata hna thawk an nih avangin, tlawmngaihna thinlung leh inpekna nena CSC hnathawh ropuizia chu infuih thar nana hmang fo turin a chah a. Pu Amid Sharma hian E-Office pawimawhna leh Mizoramah pawh ataka kalpui tan a, nihdan te sawizauvin, sawrkar chu mipui rawngbawl tur a nih anga mipuite leh hnathawktute tana awlsam leh chak thei ang bera hnathawk thei tura inpuachah chu thil pawimawh tak a ni tih a sawi a., Kalkhawmte chu CSC Diwas hlawk taka hmang theuh turin duhsakna a hlan nghal bawk a ni.
Kumin CSC Diwas-ah hian VLE zing atangin hna thawk tha zual pathum thlan chhuah VL Ramropuii, VLE, Kolasib District, Lalnunpuia Kawlni, VLE, Aizawl District leh Hmingthanmawia, VLE, Lawnglai District-te hnenah chawimawina Certificate leh pawisafaite hlan nghal a ni.Vawiina CSC Diwaz hman hi Pu Lalduhkima, State Incharge chuan kaihruaiin, kalkhawmte lawmna thu a sawi a. Pu Denghlira, Hnathial leh Siaha District Manager hnen atangin Tangkakum 2024-, 25chhunga CSC hmalaknate report ngaihthlak a ni a. Hei hi lawmmman semin a chhunzawm a. Pu Lalnunzama, Kolasib District Manager chuan lawmthu sawiin hun hi a khar a ni.
