Cooperation minister hovin “cooperative awareness for college students” programme hmang
Vawiin khan Cooperation Minister Pu PC.Vanlalruata hovin International Year of Cooperatives(2025) denchhenin Govt. Aizawl College, Conference Hall, Mualpui-ah Cooperatives Awareness Programme hman a ni a. Vawiin programme hi Pu John L.T. Sanga, MCS Registrar of Cooperative Societies chuan kaihruaiin, Minister Pu PC.Vanlaruata leh Pu Udit Prakash Rai, IAS Commissioner & Secretary,Cooperation Department ten khuallian leh khualzahawm niin programme hi an hmanpui a ni. Vawiin Awareness programme-ah hian khuallian Pu PC.Vanlalruat chuan thu sawiin, UN in “International Year of Cooperatives” tum hnih ngawt a puan tawh atang hian, khawvel huapah pawh Cooperatives hi a pawimawh hle tih a lang a,a thupui pawh “Cooperatives Build A Better World” tih a ni.
Chuvangin Cooperation department pawhin tan a la nasa a, kan thalai lehkha thiam zawk leh viak tha zawk ten Cooperatives Movement-ah hian engtin nge an lo tui ve thei ang tih ngaihtuahin Awareness Campaign te kan kal pui bakah, College Students te tan Essay writing completion te kan buatsaih mek a ni, a ti.sawi zawmin Pu Ruata chuan tunlai khawvelah sawrkar hna a vang em em a, mahni ke a din (Self-employed) na tur kawng kan dap a ngai tawh a. Mahni eizawnna in siam chauh ni lovin, midang te tana eizawnna siamsak tu ni thei tur khawpa kan taimak a, kan inchhiar zaua, kan huaisen a ngai a ni. Chuvangin he International Year of Cooperatives denchhen hian Cooperation Department chuan Mizoramah thil chhenfakawm engemaw tal thlen tir tumin nasa takin hma la mek a. Vawiin kan College zirlai duhawm tak tak; Ruihhlo in a la tibuai ve lo te hian cooperatives hi lo belh chiang u la, Cooperatives kaltlang hian self-employment nei turin rilru leh ngaihtuahna lo seng tawh rawh u. Chutiang mi innih chuan, “ Bana kaih ( Hand Holding) scheme” hi in tana duan a ni; tih hre rengin; Cooperatives hmang hian Mizoram tha zawk siam i tum ang u, tiin college zirlai naupang te a sawm.
Pu Udit Prakash Rai pawhin thu sawiin, Cooperatives chu dan leh hrai felfai tak hnuaia intelkhawm a, pawl(society) anga sumdawnna hi a ni a. Mizo te chu hnam inpawh tak, ahuhova thil tih thiam leh nuam ti mi hnam in ni a. Cooperatives hi in kalna tur chi tak a ni a, in tan chuan kumtin hi Year of cooperatives a ni mai. Chuvangin College zirlai leh thalai te hian Cooperatives movement hi lo belh chiang a,hmang tangkai turin ka sawm che u a ni, a ti.Vawiin programme hi Session 2-a then niin,Session khatna hi Dr. Lalsangzuala Khiangte, Vice Principal,Govt. Aizawl College in “Vote of thanks’ hmngaa a khar hnuah,Session hnihna hun hman leh niin, Session 2-naah hian Resource Persons Pu R. Lalthlengliana,Field Education Officer, MSCU leh Pu Lalrinmawia, Assistant Registrar,RCS office ten AGC zirlai naupang te hnenah zirtirna an pe a ni.
