Chief Minister leh George Kurian, Union Minister of State for Fisheries, Animal Husbandry and Dairying inkawm
Mizoram hmasawnna tur thil pawimawh ngaihtuaha Delhi a cham mek Chief Minister Pu Lalduhoma chuan vawiin khan Pu George Kurian, Union Minister of State for Fisheries, Animal Husbandry and Dairying chu a pisaah a kawm a, sangha khawi leh ranvulh kawnga hmasawnna tur Mizoramin project a thehluh hrang hrang te an sawidun.
Pradhan Mantri Matsya Sampada Yojana (PMMSY) hnuaia proposal panga Mizoramin a thehluh tawh te – Integrated Aqua Park, Zawlnuam a dinna tur project te, Chakma Autonomous District Council project te, Mizoram Fish Farmers, Animal and Husbandry, Dairy Producers and Marketing Association project siam te, Mizoram Cooperative Fish Farming Marketing and Processing Federation Limited project bakah Lai Autonomous District Council project siam te chu a ranglama pawmpui tur leh sanction thuai turin Chief Minister hian Union MoS hnenah hian a thlen a ni.
Union Minister of State hian heng project te hi a lo enzui a, a lo bawhzui tur thu Chief Minister hi a lo hrilh a ni.
