Chief minister leh doner minister-in mizoram state action plan review meeting nei
Vawiin khan Ministry of DoNER kaltlanga Mizoram sawrkarin hmasawnna hna a thawh te thlirletna, state action plan review meeting video conference Chief Minister Pu Lalduhoma leh Pu Jyotiraditya M Scindia, DoNER Minister ten an nei.
Meeting ah hian Review Meeting hnuhnung bera an lo sawi tawh, Mizoram sawrkarin a bawhzui ngai la awm te an sawi hmasa a, chumi hnuah hmachhawp la awm te sawiho leh a ni. Pu Lalmalsawma Pachuau, Secretary, Planning chuan Mizoram Vision 2047 statement sawifiahna (presentation) a nei bawk. Ministry of DoNER kaltlang hian Mizoramah NESIDS (Road), NESID OTRI, PMDeVINE leh NEC hnuaia hnathawhte engemaw zat kalpui mek a ni.
Chief Minister hi Pu Khilli Ram Meena, Chief Secretary, Pu Vanlaldina Fanai, Commissioner, Planning, Pu Lalmalsawma Pachuau, Secretary Planning leh official pawimawh dangten an tawiawm a ni.
