Chief minister-in doner secretary a kawm
Vawiin khan Chief Minister Pu Lalduhoma chuan a office-ah Mizorama rawn zin mek Pu Chanchal Kumar, IAS, Secretary to the Government of India, Ministry of DoNER a kawm a. Ministry of DoNER kaltlanga Mizoram hmalakna hrang hrangte a sawipui.
Ministry of DoNER-a Mizoram sorkar project inchiah mekte (pending projects) chu a rang lama chin felsak turin Chief Minister hian a lo ngen a. Sum sanction chhung rei thin chuan hnathawhna lamah nghawng a neih thin avangin tihtawi dan ngaihtuah a tul thu a lo hilh bawk.
Pu Chanchal Kumar hian Mizoramin tun hnaia Sawhthing Processing Unit a nei thar chu a lawmpui thu Chief Minister hi a hrilh a. Sawhthing chu Mizorama loneitu tam takte innghahna a ni a, an tharchhuak tam chho zel bawk a. A processing unit lam hi DoNER chuan a ngaipawimawh hle a ni, a ti.
Chief Minister hi Pu Vanlaldina Fanai, Commissioner & Secretary to CM chuan a tawiawm a ni.
