Chapchar kut 2026 siahaa hman dan tur rêlin Ṭhutkhawm a ni
Vawiin khân DC Mini Conference Hall, Siahaah kum 2026 Chapchar kut March 13-a hman dan tur rêlin ṭhutkhawm a ni a, Pu VL Hruaizela Khiangte, Chairman, Chapchar Kut Organising Committee 2026 leh District Bawrhsap nibawk chuan a kaihruai.
Pu VL. Hruaizela Khiangte chuan kal khawmte lawmna thu sawiin, ‘Siaha District chu tlawmngai pawl chi hrang hrang ding tamna a ni a, inlungrual taka kan thawhhona avangin fak pawh kan hlawh a. Chanvo neitute pawh kum tin inthlakin rual takin sem ṭhin a ni,’ a ti.
Kumin Chapchar kutah hian Kût Pa tûrin Pu M. Laikaw, CEM, MADC ni se, Kût thlengtu atân Pu VL. Hruaizela Khiangte, DC Siaha ni se tih niin, hun hman dan tur kimchang chu Sub-committee in lo ruahman se tih a ni. Vawiin hun hmannaah hian Chapchar kut Organising committee member-te an tel a, Chairman-in lawmthu sawina a nei a ṭhutkhawm tih tawp a ni.
