Champhai DIPRO in District MJA te hnenah Press Accreditation Card sem chhuak
Champhai District Information & Public Relations Officer Pu Lalchhuanawma Ralte chuan vawiin khan Mizoram Journalist Association (MJA) Champhai District-te chu kawmin Press Accreditation Card a sem nghal.
DIPRO Pu Lalchhuanawma Ralte chuan Press Accreditation Card dawngtu MJA member-te chu a lawmpui tih sawiin, mimal lam harsatna vanga sem chhuahna hun a hmanpui lawk theih loh avangin ngaihdam a dil a. Journalist te chu khawtlang tana rawng an bawlna kawngah theihtawp chhuah a, a ṭha zawnga midangte hruaitu ni zel turin a ngen a ni.
Pu C. Lalhnunpuia, Vice President, MJA, Champhai District pawgin thu sawiin, Mizoram sawrkarin thuthar thehdarhtute duhsak taka a enkawl ṭhinna ah lawmthu a sawi a. I&PR Department leh Mizoram Journalist Association te inkarah thawhhona ṭha awm zel se a duh thu a sawi bawk a ni.
