Champhai Bawrhsap-in ruahsur avanga chhiatna thlenna hmun hrang hrang a tlawh
Nimin tlai leh zan lama ruahsur nasa tak avanga chhiatna thlenna hmun hrang hrang te chu vawiin khan Champhai Bawrhsap, District Disaster Management Authority Chairman ni bawk Pu Mohammad Aaquib chuan a hmunah tlawhin a enfiah a. Harsatna awm mek chinfel dan tur te an sawiho nghal a ni.
He hunah hian Bawrhsap hian Champhai Vengsang Hospital Road a kawng min te, MPRO Road leimin, Assam Rifles leimin, Champhai Kanan leh Bethel Venga leimin te a tlawh a. He hunah hian khawtlang hruaitute leh Department aiawh ten Bawrhsap hi lo dawngsawngin hmalak dan tur hrang hrang an sawiho a ni.
Bawrhsap hi Pu Gaurav Yadav, SDC; Pu Lalchhuanawma Ralte, SDC leh Pu Lalhruaimawia, District Organiser, DM&R; ten an ṭawiawm a n.
