Champhai ah Mock Drill neih a ni
Vawiin khan Mamit leh Kolasib district te rualin Champhai District ah, chhiatrupna thlen thulha chetlak dan tur inzirna, mock drill neih a ni.
Champhai District Disaster Management Authority (DDMA)kaihhruaina in Mock drill hi hmun paliah neih a ni a, CHANEM Building, Champhai District Hospital, District Education Office leh Pu PC Lalbiakmawia in Champhai Vengsang-Kahrawt Junction ah te neih a ni.
Siren hi chawhma dar 10:30 -ah tih rik niin, heng hmun hrang hrang kan sawi ah te hian Mock drill neih chhunzawm nghal a ni.
Chawhnu dar 2-ah hian Mock drill felfai takin tih zawh a ni em tih sawiho turin hun hman leh a ni dawn a ni.
