CESJ in dan bawhchhia ah NHM a puh
Centre for Environment and Social Justice (CESJ) chuan dan bawhchhiaa NHM hnalak chu hna zawngtute dikna chanvo rahbehna leh palzutna anih thu an sawi.
CESJ chuan tunhnaia Health Department hnuaia hnalakah, Advertisement pawh chhuah loa. National Health Mission (NHM) hnuaia post 7; Lab. Technician- 3, Staff Nurse- 2, Asst. Data Manager-1 leh Executive Asst.- 1 te chu Advertisement tello a lak ngei an ni an tia, he hna lak hi cancel leh turin NHM hotute an ngen tih sawiin Sawrkar hna ruak chu Employment Exchange-a registration card neite’n an hriat vek theih nan hna ruak neitu department chuan, Employment Exchange a hriattir (notify) tur niin The Employment Exchange (Compulsory Notification of Vacancies) dan a awm bakah Supreme Court-in Order a chhuah ang in Employment Exchange hriattir mai bakah chanchinbu ah pawh hna ruak advertisement hi tih chhuah ṭhin tur a ni a nih laia advertisnment pawh chhuah loa hna lak a ni chu thalai hna zawngtute dikna chanvo rapbet leh palzuta na a ni an ti a, NHM hnalak dan chu rorelna fel lo leh dik lo ah ngaiin cancel turin an duh bakah hna zawngtuten rualkhai taka dil theih turin advertisnment chhuah turin an ngen a ni.
Mizo Zirlai Pawl MZP General Headquarters chuan NHM hnalak chungchangah hian thuchhuah siamin an duhloh zia an sawi a, Advertisement leh dan tlawhchhan awm mumal loa hna lak a awm ngei thu an sawi bakah, tun thla ni 10 ral hma ngeia heng hna lakte hi sut nghal turin sawrkar an ngen a ni.
