Central YMA huaihawtin Operation Kingdom Ministry (OKM), Phunchawng-ah Free Clinic neih a ni
Vawiin khan Central YMA chuan Non Government Hospital Association of Mizoram (NGHAM), MSACS, Mizoram Chemist & Druggist Association leh
National TB Elimination Programme (NTEP) te nena tangkawpin OKM, Phunchawngah Free Health Clinic a buatsaih.
Clinic hawn a hunahhian Central YMA Treasurer Pu Roneihthanga chuan OKM-a awm mekte chu fuihin ram leh hnam chhan nan he Centre hi hmang tur a ngen a, Mizo mipa te ṭan angaih zia leh ruihhlo bawiha tang tawh lo turin a chah a, he hun ṭha hi bawlh pelh lo turin a chah bawk a ni.
OKM ah hian zirlai 380 lai enkawl mekin thawktu hi mi 44 an awm mek a ni.
Non Government Hospital Association of Mizoram hian Doctor leh Nurse thahnem tak an thawhchhuah pui a, Mizoram Chemist & Druggist Association hian a thlawnin damdawi thahnem tak an thawh bawk. MSACS hian HIV Screening leh ART damdawi la mekte dinhmun an endik a, NTEP te hian TB Screening leh test ṭul ang an tihsak bawk a ni.
Central YMA chuan OKM a Free Clinic neih anih theihna tur atana a thawhpui Mizoram Chemist & Druggist Association, MSACS, Non Government Hospital Association of Mizoram leh National TB Elimination Programme hnuaia District TB Center, Aizawl chungah lawmthu a sawi tak meuh meuh a
